I april informerte vi om at Norsk Bibliotektransport AS (NBT) var meldt konkurs, noko som førte til at all transport av bøker og materiale mellom biblioteka stoppa opp. No er ei ny løysing på plass.
Full drift på fjernlån
At Nor-log AS no tek over transporten, betyr at kvardagen er tilbake til det normale for lånerane våre i Høyanger:
Fjernlån: Du kan no bestille bøker frå andre bibliotek i Noreg akkurat som før.
Retur: Bøker som skal sendast tilbake til andre bibliotek vert no henta og frakta vidare.
Leveringstid: Vi reknar med at transporten vil gå som normalt framover, men vi ber om tolmod dersom det skulle vere noko restans etter perioden med driftsstans.
Vi er glade for at denne viktige tenesta no er sikra, slik at publikum igjen har full tilgang til den nasjonale boksamlinga.
Har du spørsmål om eit lån eller ei bestilling?
Ta gjerne kontakt med oss:
Bibliotek@hoyanger.kommune.no
Eller på telefon: 488 95 459