Barnehagemynde

Kommunen er lokal barnehagemynde og skal sjå til at barnehagane vert drivne i samsvar med regelverket i barnehagelova. Barnehagelova gjeld for alle barnehageeigarar, både kommunale og private.

Barnehagemynde har tre verkemidlar til disposisjon; rettleiing, tilsyn og godkjenning.

Å sikre at regelverk blir fulgt inneber både ein aktivitet for å vurdere risiko for brot på barnehagelova med forskrifter, og ei plikt til å bruke verkemidla slik at barnehageeigar sin praksis er i samsvar med regelverket. 

I Høyanger kommune har vi kun kommunale barnehagar. 

For å sikre rettstryggleiken til barnehageeigar og sikre legitimiteten av arbeidet, er kommunen si eigarrolle i barnehagesektoren skilt frå myndigheitsrolla. Eigarrolla er lagt til Kommunalsjef oppvekst og barnehagemynde er lagt til stilling utanfor Tenesteområde oppvekst. 

Barnehagemynde kan gje pålegg om retting av ulovlege eller uforsvarlege tilhøve ved godkjende, eller godkjenningspliktige verksemder. Avgjerda om å gje pålegg om retting av uforsvarlege tilhøve skal fungere som ein tryggleik. Samt fange opp tilhøve som ikkje er direkte regulert i barnehagelova, men som kan føre til uforsvarlege tilhøve for barna sin trivsel, leik, læring og utvikling i barnehagane.

Lov og regelverk
Les meir om kommunen si rolle som barnehagemyndigheit: 
Kommunen si rolle som barnehagemyndigheit (udir.no)  
Lov om barnehager (barnehageloven)   
 

For at det skal være best mulig samarbeid mellom heim og barnehage bør ein forsøke å løyse alle tilbakemeldingar i næraste ledd. Pedagogisk leiar i avdelinga bør først få tilbakemeldinga. Dersom du opplever at saka ikkje blir løyst kan foreldre/ øresette ta kontakt med styrar i barnehagen. Det er barnehagen sin styrar som er ansvarleg for tilbodet, og som skal samarbeide med alle foreldre og føresette.

Dersom det gjeld generelle forhold i barnehagen, kan du også ta det opp med samarbeidsutvalet i barnehagen. Alle barnehagar skal ha eit samarbeidsutval som består av representantar frå foreldre og personale i barnehagen, og eventuelt barnehageeigar.

Statsforvaltaren er siste klageinstans.

Dersom du ønskjer å gå vidare med klaga eller uroen din, kan du ta kontakt med barnehagemynde i Høyanger kommune: Jorunn Flæthe, 
epost: jorunn.flaethe@hoyanger.kommune.no 
eller mobil 406 15 761